افغانستان میں شطرنج کے کھیل پر مکمل پابندی

افغانستان میں شطرنج کے کھیل پر مکمل پابندی افغانستان کی طالبان حکومت نے ملک بھر میں شطرنج کے کھیل پر پابندی عائد کر دی ہے، جس کی وجہ اس کھیل کا جوئے سے ممکنہ تعلق بتایا گیا ہے۔ طالبان کے مطابق شطرنج کو اسلامی شریعت کے تحت جوئے کی ایک شکل سمجھا جاتا ہے، جو ان کے اخلاقی قوانین کی خلاف ورزی ہے۔ افغان اسپورٹس اتھارٹی کے ترجمان اطل مشوانی نے بتایا کہ جب تک شطرنج کے حوالے سے مذہبی تحفظات دور نہیں ہوتے، اس کھیل پر پابندی برقرار رہے گی۔ یہ فیصلہ طالبان کی وزارت امر بالمعروف و نہی عن المنکر کے تحت نافذ کیے گئے اخلاقی قوانین کے مطابق کیا گیا ہے۔ طالبان کی حکومت نے 2021 میں اقتدار سنبھالنے کے بعد سے متعدد سرگرمیوں پر پابندیاں عائد کی ہیں۔ ، جن میں مکسڈ مارشل آرٹس (MMA)، خواتین کے لیے پارکوں اور یونیورسٹیوں میں داخلہ، اور بیوٹی سیلونز کی بندش شامل ہیں۔ شطرنج پر حالیہ پابندی اسی سلسلے کی ایک کڑی ہے۔