محسن نقوی کا بیان: کھیل میں سیاست کو گھسیٹنا اور اسپورٹس مین شپ کی کمی افسوسناک

چیئرمین پاکستان کرکٹ بورڈ (پی سی بی) اور وفاقی وزیر داخلہ محسن نقوی نے بھارتی کرکٹ ٹیم کی جانب سے کھیل کو داغدار کرنے کے واقعے کے بعد کہا ہے کہ اسپورٹس مین شپ کی کمی دیکھ کر انتہائی مایوسی ہوئی۔ محسن نقوی نے سماجی رابطے کی ویب سائٹ ’ایکس‘ پر ایک پوسٹ میں کہا کہ کھیل میں سیاست کو گھسیٹنا اس کی اصل روح کے خلاف ہے۔ ، امید ہے کہ آئندہ فتوحات تمام ٹیمیں وقار اور شائستگی کے ساتھ منائیں گی۔ ان کا یہ بیان ایسے وقت میں سامنے آیا ہے جب ایشیا کپ میں اتوار کے روز پاکستان اور بھارت کی ٹیموں کے درمیان دبئی انٹرنیشنل اسٹیڈیم میں کھیلے گئے میچ کے اختتام پر بھارتی ٹیم نے پاکستانی کھلاڑیوں سے ہاتھ ملانے سے انکار کر دیا تھا۔ بھارتی کرکٹ ٹیم کےکپتان سوریا کمار یادیو نے ٹاس کے موقع پر بھی پاکستانی ٹیم کے کپتان سلمان علی آغا سے ہاتھ نہیں ملایا یوٹیوٹ کی ویڈیو دیکھنے کے لیے یہاں کلک کریں