پنجاب میں کچے کے ڈاکو – روجھان میں اغوا اور قتل کی واردات

روجھان: پنجاب کے ضلع راجن پور کے کچے کے ڈاکوؤں نے چند روز قبل اغوا کئے گئے پانچ میں سے دو مغویوں کو قتل کردیا ہے۔ تفصیلات کے مطابق پنجاب میں کچے کے ڈاکوؤں نے ایک اور سنگین واردات کرتے ہوئے کشتیوں کے ذریعے آ کر روجھان کے پانچ شہریوں کو اغوا کر لیا تھا اور انہیں کچے کے جنگلات میں لے گئے تھے۔ ذرائع کے مطابق واردات کے سات روز بعد ڈاکوؤں نے مغویوں کی ایک ویڈیو سوشل میڈیا پر جاری کی ہے ۔ جس میں انہوں نے دعویٰ کیا ہے کہ دو مغویوں کو گولی مار کر قتل کر دیا گیا ہے۔ ، جبکہ باقی تین نوجوانوں کی رہائی کے بدلے ایک کروڑ روپے تاوان کا مطالبہ کیا گیا ہے۔ ڈاکوؤں نے اپنے مطالبے کے ساتھ دو دن کی ڈیڈ لائن بھی دی ہے۔ اس ویڈیو کے وائرل ہونے سے روجھان شہر میں خوف و ہراس اور تشویش کی لہر دوڑ گئی ہے۔ اغوا کاروں کی جانب سے جاری بیان نے عوام کو مزید عدم تحفظ کا شکار بنا دیا ہے۔ یوٹیوٹ کی ویڈیو دیکھنے کے لیے یہاں کلک کریں