افغانستان سے دہشتگردی ہورہی ہے، وزیردفاع

وزیر دفاع خواجہ آصف نے کہا ہے کہ افغانستان سے ہماری سرزمین پر دہشت گردی ہو رہی ہے جس کا جواب دینا ہمارا حق ہے۔ قومی اسمبلی میں اظہار خیال کرتے ہوئے وزیر دفاع خواجہ آصف نے کہا کہ افغانستان سے ہماری سرزمین پر دہشت گردی برآمد ہو رہی ہے اور اس کے شواہد موجود ہیں۔ دہشت گردوں کے ٹھکانے ہیں۔ وزیر دفاع نے کہا کہ ہمیں بھی جواب دینے کا حق ہے، انہوں نے کہا کہ ہمیں اپنے ملک کے عوام کی حفاظت کے لیے جواب دینے کا حق ہے۔ خواجہ آصف نے کہا کہ اگر دونوں ملک بھائی چارے سے رہنا چاہتے ہیں تو اس سے بہتر کوئی چیز نہیں ، اپوزیشن کو مخاطب کرتے ہوئے خواجہ آصف نے کہا کہ اسد قیصر اور اپوزیشن سے درخواست ہے کہ اس پر سیاست نہ کریں، یہ ہمارے خون کا معاملہ ہے۔