حب پاور ہولڈنگز کا پاکستان میں ای وی چارجنگ نیٹ ورک کے قیام پر کام جاری

خصوصی سرمایہ کاری سہولت کونسل (ایس آئی ایف سی) کے تعاون سے حب پاور ہولڈنگز کا پاکستان میں سب سے بڑے ای وی چارجنگ نیٹ ورک کے قیام کے لیے کام جاری ہے۔ حب پاور ہولڈنگز لمیٹڈ کے ماتحت حبکو گرین اور پی ایس او کے مابین ملک بھر میں ای وی چارجنگ انفراسٹرکچر کی تنصیب کا معاہدہ طے پا گیا۔ حکومت کا 2030ء تک نئی ای وی پالیسی کے تحت پاکستان میں 30 فیصد گاڑیوں کو الیکٹرک بنانے کا ہدف مقرر کیا گیا ہے۔ اس ضمن میں حبکو گرین کی جانب سے کراچی میں پہلے ای وی چارجنگ اسٹیشن کا افتتاح کر دیا گیا ہے۔ حبکو گرین کے چارجنگ اسٹیشنز کی تنصیب کے ذریعے الیکٹرک گاڑیوں کے بڑھتے ہوئے رجحان کو فروغ ملے گا۔ یوٹیوٹ کی ویڈیو دیکھنے کے لیے یہاں کلک کریں