ہم چیمپئنز ٹرافی کیلئے تیار ہیں، سب ٹیمیں آئیں گی" :محسن نقوی

چیمپئنز ٹرافی کیلئے تیار، بھارتی ٹیم کا بھی خیرمقدم": "محسن نقوی کا بیان

ہم چیمپئنز ٹرافی کیلئے تیار ہیں، محسن نقوی پاکستان کرکٹ بورڈ ( پی سی بی ) کے چیئرمین محسن نقوی کا کہنا ہے کہ ہم چیمپئنز ٹرافی کے لئے تیار ہیں۔ اور سب ٹیمیں یہاں ( پاکستان ) آئیں گی۔ چئیرمین پاکستان کرکٹ بورڈ محسن نقوی نے رات گئے قذافی سٹیڈیم کا تفصیلی دورہ کیا۔ اور اپ گریڈیشن پراجیکٹ پر پیش رفت کا جائزہ لیا جبکہ کام کی رفتار پر اطمینان کا اظہار کیا۔ چیئرمین پی سی بی کا کہنا تھا کہ ایک دیوار کے علاوہ قذافی اسٹیڈیم بلکل نیا بننے جارہاہے۔ ابھی تک اسٹیڈیم کی تعمیرنو کے ٹارگٹ پر ہیں۔ ڈھائی مہینے بہت اہم ہیں ہم قذافی اسٹیڈیم تیار کرلیں گے۔ چیئرمین پی سی بی کا کہنا تھا کہ ہم چیمپئنز ٹرافی کے لئے تیار ہیں اور سب ٹیمیں یہاں آئیں گی۔ امید ہے بھارتی ٹیم بھی چیمپئنز ٹرافی کھیلنے پاکستان آئے گی۔ بھارتی ٹیم کے پاس کوئی ایسی وجہ نہیں کہ وہ نہ آئیں۔ بھارتی وزیر خارجہ جے شنکر آرہے ہیں جب آئیں گے تو دیکھیں گے۔ یوٹیوٹ کی ویڈیو دیکھنے کے لیے یہاں کلک کریں